NLSF-i kümsük tasenba atema Federal Assembly kaogo

Dimapur, March 22 (TYO): March 21, 2019 nü City Law College, Dimapur nung Nagaland Law Students’ Federation (NLSF) 2019-2021 kümsük atema meüngbuba Federal Assembly kaogo aser iba senden nung Nalanad nngi Law college ajak nungi arua aden, ta tanü NLSF sangdong ka ajanga metetdaktsü.
Mokokchung law college students’ union nungi union züngsemtem aden, Kohima law college students’ union nungi Tir Teisozelhou aser züngsemtem aden aser City Law college students’ union nungi Tir aser tongti tezülur na aden.
Federal Assembly ya Speaker, Imtisungit Kichu leniba nung agi aser Kohima law college students’ union nungi Tir, Teisozelhou-i sarasadema senden tenzük.
Tir onük jembidang C Talimoa Chishi-i, “State sorkari law students atema nendaka meinyakba ajajansa law federation-i akhangbatem mataloktsür. Ajisüaka tan kümsük 2019-2021 nungbo asenoki asentenshir asen omen ‘justice for all’ nung ajemdaker inyaktsü aser asenok tebilembatem- Nagaland High Court Compelx tekaraba nung tembangtsü, Nagaland University kübok law department temaja alitsü aser Govet. Law college ka amenoktsü atema inyaktsü. NLSF-isa Nagaland nung lisopur temeden atema inyaktsü,” ta ametetdaktsü.
Federal Assembly-i Assembly Secretary, NLSF, Nikato NLSF atema official otongdar shimogo.
NLSF general secretary, Dieku aser Finance secretary, Taniko Thupita nati osangtem metetdaktsü aser Dy. Speaker, Lanu Longkumer-i tepela anküp o jembia liasü.