NLSUC Chandigarh-i ayonga mezüngbuba senden agiogo

Dimapur/Chandigarh, Mongputeni/Oct 24 (TYO): Mongputeni/October 18, 2018 nü YWCA Hall, Sector 11B nung Nagaland Student’s Union Chandigarh (NLSUC)-i tang mezüng lokti senden den Fresher’s Social repsema “Igniting the path towards unity” omen nung ajemdaker agiogo.
NLSUC ya Nagaland nung aliba Naga nunger longjemtsü nükjidong nung tenteta liasü.
Union ya taküm Luroi/August 22, 2018 nü Chandigarh aser temeket nung aliba züngsemtemi tentet. Iba union tentetba nüngjidong ya nüngdaktem peritsü aser yimti nung bendanger ka ama Nagaland nung aliba Naga nungeri tayongzükba balala ajuruba koktettsü nükjidong nung tentetogo.
Iba sentong nung tongti tejaokerji Principal, St. Stephen School Chandigarh, Louis Lopez liasü aser paisa NLSUC indang Constitution sayatsü.
Mezüngbuba session agiba sülen extravaganza nite liasü aser iba sentong nung kaketshirtem aser züngsemtemi kentenmenü aser sobaliba dak sendakba shilem balala agi.
Kasa session nung tang mezüng Mr & Miss Fresher’s NLSUC 2018 shima Mr. Stephen Newmai aser Miss Avikali Shikhu na Mr. & Miss Fresher shim.
Iba sentong nung kaketshirtem, züngsemtem, tejaokertem aser tongti ketdangsertem ajak senteper nisung 150 shi aden.
Tarutsü nung Chandigarh aser temeket nung metetpelanüba mesüra nüngdak balala atema parnok den tongteprateptsü akok: President- Chollen Chang (9612407663)
General Secretary- WoremoNgullie (8730055867)