NMA-i azü metokshitsü mepishir

Dimapur, Aami (June) 1 (TYO): Arunachal Pradesh nung NSCN IM aser GPRN/NSCN tsüngda azütokshitepba atema kanga süoki ia agir ta Naga Mothers’ Association (NMA)-i ashi.
Naga nungertemi yimjung aginüba aser Naga yimten latettsü atema yongya ataba mapang ka nung Naga tetsütemi Naga yimten telok ajak dang adianu tangatetba, tai toktepba aser meimchir taküm apayutsü atema mepishir ta parnokisa metetdaktsü.
Asenoki azü aika tokshiogo anungji tetsütem, adianutem aser jalatem ama onoki Naga yimten telok tanishir ajak dang azü metokshitsü atema mepishir, ta NMA-isa ashi.
Tulusang Tsüngremi tasür nem anisüngzük agüjang aser parnok kibongtem sünepjang ta sarasademtsür. Taochisang Tsüngremi tai tokangma aser adianutem tsüngda putepshitsü aser yimjung yanglutsü atema tangatetba agüjangma, ta NMA-isa metetdaktsü.