NMBOA-i GB Nikheto Swu asüba atema mang ayimer

Dimapur, July 28 (TYO) : July 27, 2015 nü New Market, GB Nikheto Swu ajungbena asüba atema sasar aser mulung züreper, ta New Market Business Owners’ Association (NMBOA)-i sangdong ka nung metetdaktsü.
New Market tesem asoshi asür Nikheto Swu-i kanga dang meranga aser nendaka inyaka aru aser pai New Market ajungkettsü atema inyakbatem kodanga mamatsü, ta NMBOA-i sangdong nungsa shia lir.
Pa alima nungi pila aobaji New Market nung alirtem atema dang masü saka Naga nunger lokti atema takoksa lir aser NMBOA-i tasür kibong den asüku abener, ta NMBOA Office incharge, Kiyegho Aye-i sangdong ajanga metetdaktsüogo.