NMM-i Mission Challenge 2018 sentong ayonger

Dimapur, Mongputeni/Oct. 16 (TYO): Nagaland Baptist Church Council (NBCC) indang missions department, Nagaland Missions Movement (NMM) ajanga NBCC Convention Centre, Kohima nung Yimpoksüi/November 09 nungi 11, 2018 anogotem nung Mission Challenge 2018 sentong ayonga lir. Iba sentong ya “Therefore Go” omen nung amendaker agitsü.
Iba mission conference nung shilem agitsü asoshi arogo ajak nungi delegates jaoker, ta Nagaland Missions Movement secretary, Rev. Andrew Semp aser Planning Committee convenor, Saphrul Pucho nati sangdong ka ajanga metetdaktsü.
Iba sentong ayongertemi delegates nem chiyongtsü agütsütsü aser anenzüktsü asoshi Mission secretaries/ aser association indang director temi Kohima nung pei kin indang arogotem den angatettepa anepalutsü, ta kasa sangdong ajangasa ashi.