NMYO-i aitsür; NSF asayamung nung “black armband” enoktsü

Kohima, September 28 (TYO): September 23 aonung Kohima yimer Kevise Suohu’er jabaso Medosetuo Suohu tepsetba kukua aitsür ta New Market Youth Organization(NMYO) sangdong ka nung metetdaktsü.
Iba tatalokba atema police-i tekaratiba nung bushisüngdangang aser aibelener nem tapet temerenshi agüjang ta NMYO tir Vizo Nakhro-i sangdong nung shia lir.
Asür Medosetuo Suohu ji lanur tajung ka aser football asayar ka liasü aser tang tasayadak 16 buba NSF Martyrs Memorial Trophy, 2015 nung New Market B Team atema asaya liasü, ta NMYO sangdong nungsa shia lir.
Asür Medosetuo nem tetushi agüja Mongulbarnü New Market XI aser Oriental College, Kohima tsüngda asaya nung New Market XI, Sports Committee Members, New Market sapurtem aser New Market area nung alirtemi “black armband” enoktsü, ta NMYO tirisa metetdaktsü.