Nnai kechi nung ranglok ?

“…aser idakji aliba nisungtemji aso tulu … aser onokji parnok tsüngdang süngkü amai dang liasü. ”
(Züngdangba13:32-33)
Taküm nung asenok ranglokji kanga tongtipang lir, aser iba ranglok jagi asen takümji anir. Mapang ajak nung asenok tetsüngda ka nung atsüteper akoktsü asü makoktsü, otetsü asü motetsü, ajangtetsü asü majangtetsü. Aji saka, aiben asen mulung nung tanela tasü mait ajanga makoktsü, minyaktetsü, mejembitetsü ta asen mulung nung jembidaktsür. Anungji takoktsü ka toa tamakoktsü kümdaktsür.
Khen mapang ka Tsüngremi Mosa ajanga Israel nunger 12 tenangzükba yimti itdangitertsü yok. Kodang parnoki yimtiji idangiter meyipba aru, parnok ter-i yimti jara tulu agi atsübanga aliba, yimti nüburternji aso ajen tulu dang angu. Anungji tamakoktsü aser tetsübutsü osang dang bener aru. Saka Yihusua aser Kaleb nati takoktsü osang bener aru.
Kechiaser tenati takoktsü (possibility) nung ranglok, aser ter jagi tamakoktsü (impossibility) nung ranglok. Nai takok nung ranglokang aji süra nü tsüngdang tamakoktsü ajak takoktsü dang angutsü.
Sarasadem
Kibuba Yisu, Na kü den ali tashi kü lenmang piyong takokba lir. Anungji nü denbo ajak akoker. Amen.