NNC aser FGN M Keyho lenisüba magizüker

Dimapur, February 15 (Agencies): February 13, 2019 nungi Naga National Council (NNC) aser Federal Government of Nagaland (FGN)-i NNC president ‘general’ (retd) Thinoselie M Keyho lenisüba sülen manidaktsü atema telemtetba agiogo.
NNC senden ka nung iba telemtetba agi aser NNC vice president Senka Ao nem NNC maparen ketdangsüa aotsü atema mapa nungloktsü, ta FGN cabinet secretary Ghuvishe V Zhimomi-i ashi.
India aser NNPGs-i olemtep ajanga Naga yimten tebilemtsü angatetteptsü atema lemtetaka, Keyho-ibo iba olemtep aliba anema noktaker. Pa lenisüba kübok NNC aser FGN-i Naga nunger taginüba ama meinyaktsütet, ta NNC aser FGN külen senden nung lemtet.
Keyho-isa FGN maparen nung meyaritep aser iba jagi NNC o FGN-i linük taginüba nung ajemdaker pa lenisüba sülen magidaktsü atema telemtetba agi, ta parnokisa ashi.