NOC aser Residential certificates mashi magütsütsüla: DUCCF

Dimapur, June 4 (TYO) : Dimapur district kübok Municipal Wards (74 colonies) nung Chairman aser Council temi June 24, 2015 nü Dimapur Urban Councils Chairmen Federation (DUCCF) lokti senden nung lemtetba sülen anidaktsü nenshia metetdaktsüogo.
DUCCF lokti senden nung non-Local tem parnok aruba tesem tejangja memetetibo NOC aser Residential certificates magütsütsü lemtet. Ano, India kübok tangalen nungi arurtemi India senso ta kuli tejangja agütsü nungang Colony Chairman nungi NOC agütsütsü lemtet. Illegal Bangladeshis Immigrants (IBIs) ta temulung melemi bilemertem noktangtsü tangatetba nung iba telemtetba ya agi, ta Media Cell, DUCCF-i sangdong ka nung metetdaktsü.
DUCCF-isa Dimapur District Administration, ADHAAR registration cell, DMC, Birth Certificates agütsüba Agencies, DTO aser Bank temi illegal Bangladeshis Immigrants (IBIs) ta temulung melemi bilemba nisungtemi agütsüba kulikakettem magizüktsü metetdaktsür, kechiyong talila kulikakettem ayokba aser amshiba inyakyimtem puteta lir.
Anungji, temalen aliba bangdakpurtemi IBIs ta temulung malemertem aliba colony Resident Certificate jangjatsü atema DUCCF den tongteprateptsü ayongzüker, ta Media Cell sangdong nungsa shia lir.