Noke Wangnao-i Video and Radio Jingles sayatsü

August 31, 2018 nü Secretariat Conference Hall, Kohima nung Social Welfare Department Advisor, Noke Wangnao-i Video on adoption and Radio jingles sayatsüdang agiba noksa angur.

Dimapur, Luroi (August) 31 (TYO): August 31, 2018 nü Secretariat Conference Hall, Kohima nung Department of Social Welfare, Child Services-i Video on adoption & Radio Jingles saya.
Tanü Department of Social Welfare Advisor, Noke Wangnao-i Video and Radio Jingles sayatsü.
Iba sentong nung Social Welfare Department & Chairman, Child Protection Services Secretary Sarah Ritse-i ashiba agi, adoption ya temeim mapa ka lir saka iba inyakyim ya ozüng ajanga inyaktsüla.
Juvenile Justice Act nung lateta aliba agi, adoption ya tanur ka pei chichiba tsürabur den pilaba aser tangar chir ka akümba lir. Pa/la adopt asüba tsürabur dang nungi temeten, maongka aser tebilemtsü ajak tanuri angutsü, ta Sarah-isa ashi.
State sorkari tenüng nung adoption programme ketdangsüa inyaktsü atema State Adoption Resource Agency (SARA) ya tashi abenba kongsang ka lir aser iba ajanga lajar, pei tanur agütsüba aser senzüka yutsüba tanurtem adopt asüba dak sendakba mapa ketdangsüa inyaker, ta laisa shisem.
Nagaland nung SARA ya 2010 küm tentet aser mapa tajung inyaka arur. April 2010 nung tang tashi nung in-country adoption tanur 110 aser 2015 nungi Inter-country adoption tanur 10 süogo, ta Sarah-isa metetdaktsü.
Nagaland nung tanur kanga bulua adopt asür aser iba inyakyim kanga melamela inyaketeper. Iba atema department-i osang prokshir aser Juvenile Justice nung lateta aliba ama inyakra, tanur aser adopt asüba tsüraburtemi tarutsü nung timtem majurutsü, ta laisa ashi.
Sarah-isa Video and Radio Jingles indang alizüng metetdaktsüdang, iba ya ozüngi melaba ama adoption mapa inyaktsü osang sangdongtsü atema lir aser adoption dak sendakba tebilemtsütem reprangtsü, ta ashi.
Adoption inyakyim atema sendaktepa aliba department tem- Health and Family Welfare, Police Department, Judiciary-Legal Service Authority, DIPR, Labor Department, State Resource Centre for Women, the Statutory Bodies (SCPCR, Child Welfare Committee, Juvenile Justice Board, Child Line, Governing Body of SARA), Specialized Adoption Agency and Child Care Institutions, District Child Protection Unit.
Tanü sentong nung Child Protection Services Director, Chubainla Jamir-ia ashiba agi, District jenjang nung District Child Protection Unit-i lajar, senzüka yutsür aser tsüraburi agütsüba tanurtem jangjar aser Specialized Adoption Agency (SAA) o Child Care Institutions (CCI) teyari ajanga Child Welfare Committee (CWC)-i parnok ozüngi melaba ama Adoption südaktsür.
Nagaland nung Child Care reju 60 dak tema Specialized Adoption Agencies (SAA) den sendaktepa lir aser India nung adoption atema sendaktepba state mezüngpurtem rongnung Nagaland dena lir, ta laisa ashi.
Nagaland nung adoption 85% ji Naga tsüraburtemi asür aser kobi melii Adoption Resource Book ka adoktsü, ta Chubainla-isa metetdaktsü.
Radiant Educational Society (SAA), Kohima Orphanage and Destitute Home (SAA), John 3:16 (SAA), Mon; Wondang-Ki Charitable Foundation (SAA) Dimapur ama teloktem nungi tanur adopt asütsü akok ta laisa shisem.
Sentong nung mendenji Social Welfare Department and Chairman Child Protection Services Secretary, Sarah R. Ritse liasü.