Nokia 106 India nung sayaogo

Aenjeti/January 03 (Agencies): HMD Global-i Brihostisbar nü India nung Nokia 106 feature phone tasen ka sayaba sangdongogo. Sen 1,299 alang Nokia feature phone ya Dark Grey sentsü nung Nokia.com aser offline store tem ajanga angutsü.
Nokia 106 nung 1.8-inch QQVGA display den T9 keypad keta lir. Phone tesülenji ‘polycarbonate panel’ agi meyibanga lir koba agizüktetter. MTK 6261D processor ajanga iba phone mapa inyaktsü.
Iba denji külemi phone nung 4MB RAM aser 4MB ROM inoka yanglutsüogo. Phone nung battery tashiji 800mAh asütsü.
HMD Global-i ashiba agi, Nokia 106 ajanga talk time ghonda 15.7 tashi agütsür. Connectivity atema, iba phone nung micro-USB charger ka keta aliba angutsü.
Nokia indang feature phone tuozük gram 70.2 aser tasazük mm 111.15×49.5×14.4 shii lir. Tekalen agüja aliba feature dak alia, iba phone nung ‘try-and-buy’ game tem talisa Nitro Racing, Danger Dash aser Tetris keta aliba angutsü.