Nokia 7 plus atema mezüng Android 9 Pie sangdongogo

Rongjui/September 29 (Agencies): HMD Global-i parnok indang Nokia 7 plus smartphone atema Android 9 Pie update sangdongogo. Rongjui/September 29, 2018 nü nungi Nokia 7 plus amshirtem atema company-i Android 9 Pie update agütsü tenzükogo.
Android 9 Pie nung Google indang software aser nüngdakba apps keta lir. Nokia 7 plus nung Android 9 Pie update asüba ajanga bloatware malitsü, skins UI temelenshi mesüra battery arishiji tatsüba mekümdaktsütsü. Iba upgrade ya Android 8.0 Oreo feature tem nung amendaker yanglutsüogo.
Android One family shilem ama, Nokia 7 plus nung App Action tem introduce asütsü. Iba app ya Android One device aser Android 9 Pie keta aliba Google Pixel phone tem atema feature tasen ka lir.