Nokia 9 PureView India nung sayaogo

Chiteni/July 10, 2019 (Agencies): Nokia-branded phone tem yanglua ayokba company HMD Global puri Bodhbarnü ajaki kanga yongyaa aliba Penta-camera set-up ka keter Nokia 9 PureView India nung sen 49,999 agi sayaogo.
Iba smartphone ya Midnight Blue sentsü nung Nokia.com/phones aser Flipkart kija nung July 10 nü nungi angutsü aser July 17 nü nungi tenzüka India nung mobile retail outlets tongtitem nung angutsü.
Nokia 9 PureView nung alima nung tang mezüngbuba ZEISS Optics den camera pongu inoker aliba angutsü.
Phone nung colour sensors ana aser monochromatic sensors asem keta aliba angutsü.
“Iba smartphone India-i aruba atema kanga pelar aser iba den külemi onoki Nokia 9 PureView alirtem nem phone aliba sülen anogo 30 nü atema exclusive premium concierge experience ka agütsütsü.
“Noksa agitsü jangrartem dang Nokia 9 PureView amshia koda noksa kanga ayonga aser jangradem tangoker ibaji arua tendangtsü asoshi jaoker,” ta Vice President and Country Head-India, HMD Global, Ajey Mehta-i sangdong ka ajanga metetdaktsü.
Phone yanglurtemi ashiba agi, Nokia 9 PureView nung tangokba noksa ajakji HDR asütsü. Nokia 9 PureView nung Qualcomm Snapdragon 845 mobile platform, 5.99-inch 2K pOLED screen den ‘PureDisplay’ technology aser Qi Wireless charging keta aliba angutsü. ‘PureDisplay’ screen technology nung HDR10 support feature asütsü aser iba ajanga tamshitem nem jangradem agütsütsü.
Nokia 9 PureView screen nunga integrated fingerprint sensor ka keta lir.
Nokia 9 PureView Specifications:
Nokia 9 PureView nunga 5.99-inch pOLED QHD display den HDR 10 support inokja lir. Phon nem Qualcomm indang processor, Snapdragon 845 ajanga tashi agütsütsü aser iba den RAM 6GB aser internal storage 128 GB keta aliba angutsü.
Nokia 9 PureView indang penta-camera setup nung 12-megapixel camera pongu lir aser item rongnung asem monochromatic lense (f/1.8) aser RGB lense (f/1.8) ana densema lir. Phone ajanga lens ajak kaka amshitsü melar. PureView phone tejaklen 20-megapixel selfie camera ka keta lir.
Software tsütsü phone indang operating system ji Android 9 Pie (Android One) asütsü.