Nokia-i 2017 nung Android Phone tem sayatsü imlar

New Delhi, January 4 (Agencies) : Nokia-i HMD Global kübok tanaben shia arutsü maparen inyakba ya taküm asoshi kanga dang sentong tongtipang rongnung ka asütsü.
Taoba mapang Nokia-i 2017 küm Android smartphone pungu tashi sayatsü akok ta olulu kar jembi aser tang tesüsabuba osang angazükba agi, HMD Global-i taküm küm matemdangsa Nokia Android smartphone trok mesüra tenet sayatsü akok.
MWC 2017 nung Nokia-i smartphone temji sayatsü ama imlar. Phone tem rongnung Nokia D1C den Nokia E1 densemtsü ta osang angazüker.
Nokia E1 nung Snapdragon 600 series processor den RAM 4GB keta alitsü imlar.
MWC 2017 nung HMD Global ji Nokia P ta ser Nokia-branded smartphone sayatsü imlar. Iba smartphone nung Snapdragon 835 SoC, RAM 6GB aser 23-megapixel rear camera den Zeiss lens keta alitsü.
MWC 2017 ya February 27 nungi March 2 tashi Barcelona nung amungtsü.