Noklak Ao pastorba’er ki rongdok

Dimapur, Oct.31 (TYO) : Tanü Hombar nü anüngdang 12:30 ako shi nung Noklak Ao Baptist Fellowship nung pastorba’er ki aut küma rongdokogo.
Iba kitsükkirong lendong atalokdang kidangji shinga mali asü, anungji kechikomakaser arongar mejangjatetter. Iba mi lendong atalokba ngua kidang kiyongeremi yakta dang oagi miji tepseptsü merangba agi pastorba’er ki dak alaka tanga kibo kata merongi kümzükogo.
Tanü rongdokba kiji küm 20 shi jakdang yangji alir Aortemi kimong alia asüba süngpak ki ka liasü. Noklak nung tenzüka aliba Aor tamangertem telongjem ya ABAM nung ano arogo ka ama züngoka maliba agi “Fellowship’ ta dang amshir. Tang Noklak nung telidak Aor kibong 8 lir saka mapa inyakertem ajak züngabo parnok kibong 38 shi asütsü ta angazüker.
Tanü ki arongba lendong osang angashia, iba osangzüluri Noklak Ao Baptist Fellowship pastor-ba den phone ajanga jembidang, paji kinunger ki ka nung jenoka liasü. Pa kinungtsü ya Khiamniungan tsür lir
Iba ama lendong nung tamangertem kari danga Noklak Ao Baptist Fellowship aser yangji inyaker sannüker kibong yarinüra pastor-ba mobile phone number 81189 86777 nung jembitettsü.