Noklak nung Fish Kiosk ka semzüktsü

Dimapur, Aenjeti/January 23 (TYO): NABARD nungi 2018-2019 atema negotiated loans nung Department of Fisheries-i Noklak jila nung January 23 nü Fish Kiosk ka lapoktsüogo. Iba Kiosk lapokba sentong nung Deputy Commissioner (ADC) Noklak, M. Chaitanya IAS alakteta jaoker liasü.
O jembiba mapang ADC Noklak-i, local entrepreneurs tem dang ango ayoktsü ajungshiba den tanga state nungi ango bener arutsü melena district kübok aser state nung metsütetba local ango bushia ayoktsü ajungshi.
Paisa, iba amala jenjang tajung agiba atema department nem tenüngsang agütsüba den local tema dang ango metsütsü ajungshia liasü.
Sentong nungsa District Fishery Officer (DFO) Tuensang, Rongsenkumzuk-i Fish kiosks indang report tatsüka agütsü. Paisa, iba kiosks lapokba nükjidong tongtibangtibaji hygienic fish kiosks ka amenoktsü asoshi ajungshitsü aser nüburtem ajungshitsü lir, ta ashi.
Tanü iba sentong ya Asst. Fishery Inspector lenisüba kübok agi aser LBC, Noklak pastor Rev. Chilia-i iba tesem bendanga agüja sarasadem. Maneni Asst. Inspector, Anyak Chang-i tepela anküp o jembia liasü, ta DPRO Tuensang sangdong ka ajanga metetdaktsü.