Noklak nung Mini Hornbill Fest tanünübuba takok ngua kaogo

Dimapur, Mongputeni/October 04 (TYO): Tsokum mini Hornbill Festival tanünübuba Noklak public playground, nung Mongputeni/October 04, 2018 nü kanga takok ngua kaogo. Iba sentong nung sobaliba sentong balala agia liasü aser item rongnung Tuensang yimtsüng nungi Chang Cultural troupe-i benjong tsüngsang aiba aser tetsür telok kati Mouth organ Music atemba densema lir. Maneni sentong nung Peshu cultural troupe-i akangjungshitepba tetsütebou ken ka aten aser iba sülen sobaliba asaya Achou-yie asayaa liasü.
Tanü agiba sentongtem rongnung tetsür tebur marathon race, lasang (Cross Bow) khashishitepba, nü tsüshishiba (Spear target throw), melangtepba (Wrestling), Sword Bean Game, mezüng kangtepba (Top spinning), mi apuba, karatsüng jaja (Stilt bamboo walk) balancing sport aser teptsü tepteba amala sentong densema liasü, ta Noklak APRO sangdong ka ajanga metetdaktsü.