Noklak nung Mini Hornbill festival den Tsokum festival repa agidar

Noklak, Mongputeni/October 03 (TYO): Tanü Noklak nung Mini Hornbill Festival den Tsokum Festival 2018 repsema tenzükogo, aser iba benjungmong ya Mongputeni/October 05, 2018 nü tashi agitsü, ta ketdangsertem osang ka ajanga metetdaktsü.
Benjungmong sentong tetenzükji Noklak Hq. public ground nung agi. Benjung kiburji Advisor, H. Haiying liasü aser tetushi tejaokerji Advisor, H. Khehovi Yepthomi liasü.
Khehovi-i exhibition stalls lapoktsü aser sobaliba sentongtem nung Konyak Cultural Troupe, Sanglao Cultural Troupe aser Noklak Village Cultural Troupe-i shilem agi.
Iba sentong ya Tuensang Deputy Commissioner, L. Jamithung Lotha leniba nung agiogo.
Executive Secretary KBCA, Rev. S. Noksa Chiu-i sarasadem, KTC Tir, L. Ngon-i lokti pelaa agizükba o jembi aser Mutsoi L-i ken ka aten.
Kasa sentong nung ENPO tatong Tiria jembi aser Noklak Town Youth-i sobaliba ken ka aten.