Dimapur, Yimpoksüi/Nov. 07 (TYO): Noklak indang Deputy Commissioner, Arikumba, NCS ajanga sangdong ka nung ashiba agi, Tuensang nung November 11, 2023 nü Nagaland Public Service Commission (NPSC) Preliminary Examination agitsü aliba atema 14 Assam Rifles, Noklak ajanga transportation agütsütsü.
Noklak nungi Tuensang-i November 10, 2023 anepdang 10:00 ako nung aotsü, anungji tejangrartem Noklak nung aliba Public Ground anepdang 9:30 ako nung atongtsüla aser kuli atema Admit Card sayutsüla, ta sangdong ajanga ashi.
Tuensang nung aliba Noklak Sumo Counter nungi Noklak-i November 11, 2023 nikongdang 1:00 ako nung meyipa apusotsü.
Iba transportation services ya nisung 50 asoshi dang lir, anungji mezüng arur nem mezüng maongka agütsütsü, ta sangdong ajanga ashi.
Noklak nung NPSC Prelims atema transportation agütsütsü added by nungsang on
View all posts by nungsang →
You must be logged in to post a comment Login