Noklak nung prangpong auyar ana apu

Dimapur, Chiteni/July 04 (TYO): Aami/June 27, 2018 nü Nokhu Village Guard indang Arms No.1261 MK IV rifle kari auya, aser Chiteni/July 3, 2018 nü Nokhu Village Guard-i aibelenertem den prangpongji puogo, ta tanü ketdangsertem osang ka ajanga metetdaktsü.
Aibelener anaji Thonoknyiu Village nungi Thumeng’er jabaso arishi küm 34, Sulem aser Kengnyiu Village nungi Mulai’er jabaso arishi küm 36, Punie na lir, ta jangjaogo.
Chiteni/July 4, 2018 nü Village Guard-i aibelenertemji police station, Noklak ket nung agutsüba sülen Noklak police-i Noklak PS nung ken o ka benokogo, ta kasa osang ajanga metetdaktsü.