Noklak RO & ADC-i election inyakyim senden ka jatepa agi

Dimapur, Tsüklai 01 (TYO): Returning Officer & ADC Noklak, Thsuvisie Phoji-i ketdangsüa Noklak nung co-ordination senden ka Aenjeti 31, 2018 nung menogo.
Iba sentong nung Election Commission ajanga metetdaktsüba Code of Election Conduct aser Clean Election indang inyaksangshi mendenpubai rasa ashi. Pai-sa 56 aser 57 Assembly Constituency atema nomination ya Noklak nung agitsü, ta iba senden nung adenertem dang metetdaktsü. Polling station ajunga nung CCTV inoktsü ta pai-sa shisem aser election agiba mapang political party ajunga dang amalitep alitsü asoshia ADC-i shisem. Iba senden nung polling ketdangsertem, party balala nungi unit tirtem, ward tirtem aser arogo nung tenzükertem arua aden.