Noklak sub division nungi District Headquarter ajungketba sentong ka agi

Dimapur, Aenjeti (January) 9 (TYO): Aenjeti (January) 8, 2018 nü Noklak Public Ground nung Noklak sub division ajungkettsü atema sentong ka agi.
Iba sentong nung Geology & Mining and Border Affairs Minister, P. Longon lia KTCA Executive Secretary, Rev. Noksa-i nüngshilung meshiteta sarasademer sayatsü.
Sentong nung mendenji KTC tir, L. Ngon liasü aser Minister P. Longon, taoba Minister Pungon, Convener, Noklak District Demand Committee, W. Chuba aser G.B. Union Noklak Area tir Monglon nungertemi o jembi. Parnok ajaki Nagaland sorkar dang Noklak sub-Division nungi District Headquarter ajungketba atema pelaba metetdaktsü.
Sentong nungsa Pongkhao group aser Mungthong Chai temi ken aten aser Noklak Area kübok yimtsüngtem nungi Khiamniungan senso meyirjang aika aden.