Nokpu Laishir Telongjem-i pelaba sangdonger

Dimapur, April 18 (TYO): April 16, 2017 nü Longchem Baptist Arogo nung Rev. Dr. S. Temjen Imchen ordination sentong takok tulu ngua agiba asoshi teyanglur Tsüngrem tenüng asanger, ta Nokpu Laishir Telongjem Tir, Rev. Wati Longchar-i sangdong ka nung ashi.
Iba sentong nung kija kibong aser lokti shirnoki yaritepogo, nenok ajak dang Nokpu Laishir Telongjemi pelaba lemsateper. Tongtipangsa, Longchem Baptist Arogo deacon board aser tenzükertem, ABAM nung Church advisory board, aser ordination council temi sentong takok ngudaktsüba atema pelaba metetdaktsür, ta sangdong nungsa shia lir.
Tenzüker, Rev. Dr. S. Temjen Imchen aser par kibong Tsüngrem tenzükba wadang nung tali takok ngua aser temjena moajang ta sarasadema atar aser maneni nüburtemi sarasadem nung yaridaktsünür, ta Rev. Wati Longchar-isa metetdaktsü.