Non-subsidised LPG cylinder nung sen 21 tuogo

New Delhi, June 01 (Agencies): Bodhbarnü tayimtsü totzü (Aviation turbine fuel) jenjang shilem 9.2 tuogo aser non-subsidised LPG cylinder shia nung sen 21 tuogo.
Tan agi ita pezü tashi jenjang atuba sülen Delhi nung Aviation turbine fuel (ATF) kilolitre nung sen 3,945.47 atuba (shilem 9.2) sülen kilolitre nung sen 46,729.48 kümogo, ta Bodhbar nü totzü company temi sangdong.
May 1 nüa shilem 1.5 aser April 1 nüa sen 3,371.55 (shilem 8.7) tua liasü. March 1 nüa shilem 12 (sen 4,174.49) tua liasü.
Local sales tax mesüra value-added tax balala asüba ajanga airport shia jenjang balala lir.
Iba den kasa totzü company temi non-subsidised LPG nunga seret 14.2 indang cylinder shia nung sen 21 tuogo.
Tang Delhi nung non-subsidised cooking gas (LPG) nung sen 548.50 asütsü. May 1 nüa cylinder shia sen 18 tua liasü.
Totzü retailers asem- Indian Oil Corporation, Hindustan Petroleum aser Bharat Petroleum-i International jenjang apir ita shia mezüng anogo nung tayimtsü totzü aser non-subsidised LPG jenjang reprangshia lateter.