Non-subsidised LPG, kerosene, ATF jenjang tuogo

New Delhi, May 01 (Agencies): Petrol aser diesel totzü na nung jenjang atuba sülen maneni tanü Deobarnüa non-subsidised LPG, non-PDS kerosene aser Aviation Turbine Fuel (ATF) totzütem nung jenjang tuogo.
Yasüng ayaterm nung Petrol litre ka nung sen 1.06 aser diesel litre ka nung sen 2.94 tua liasü aser maneni tanüa non-PDS kerosene litre ka nung sen 3 jungnüa tuogo, ta linük meyong totzü company temi ashi.
Iba den kasa totzü company temi non-subsidised LPG seret 14.2 cylinder nung sen 18 tuogo, iba den külemi tayimtsü nung atsükba totzü, Aviation Turbine Fuel (ATF) jenjang shilem 1.5 tuogo.
Totzü retailer asem – Indian Oil Corporation, Hindustan Petroleum aser Bharat Petroleum-i International jenjang nung ajemdaker ita shia mezüng anogo nung ATF aser non-subsidised LPG jenjang melenshir.