Non-Subsidised LPG nung sen 86 atur

New Delhi, March 1 (Agencies): Bodbarnü totzü company temi non-subsidised cooking gas (LPG) cylinder ka nung sen 86 ajungketogo.
Küm nung cylinder 12 lemzüktsüba atemertemi mesüra subsidy magirtemi tang nungi non-subsidised LPG cylinder ka nung sen 737.50 agi alitsü. Yashi tashi 14.2-kg cylinder ka nung sen 651.50 agi ayok, ta totzü company temi metetdaktsü.
Parnokisa subsidised cooking gas indang jenjang nung poisa 13 tuogo aser iba sülen 14.2-kg cylinder nung sen 434.93 agi ayoktsü.