Non-subsidized LPG, petrol & diesel jenjang ajemogo

New Delhi, July 31 (Agencies) : Hokolbarnü totzü company temi non-subsidized LPG cylinder indang jenjang ajemogo.
Tanü seret 14.2 LPG cylinder ka nung sen 23.50 ajemogo aser iba ajanga asüng nungi cylinder ka nung sen 585 agi ayoktsü, ta Indian Oil Corp (IOC) ajanga metetdaktsü.
Tang non-subsidized LPG cylinder ka nung sen 608.50 agi yoka liasü, ta parnoki shisem.
July 1, 2015 nü non-subsidised LPG cylinder ka nung sen 18 ajema akümba sülen tanü sen 23.50 ajemogo.
Küm nung consumer temi LPG cylinder 12 amshitsü lemzükja aliba tembangba sülen non-subsidised cylinder alia amshir.
Hokolbarnüsa totzü company temi petrol aser diesel reprangshimba sülen petrol litre nung sen 2.43 aser diesel litre nung sen 3.60 ajemogo.
Tan ita totzü jenjang asemben tashi ajemogo aser tesüsabubaji July 15 nü petrol aser diesel litre nung sen 2 ajemba liasü.