North-east atema train 3 talila agütsütsü:Railway

Agartala, October 28 (Agencies) : November 12, 2016 nü nungi north-east nung tongtiba yimtitem sendakteptsü atema train asem (3) talila agütsüsemtsü, ta Hokolbarnü Northeast Frontier Railway (NFR) ketdangser kati metetdaktsüogo.
Nüburtemi nüngdakba ama hopta shia Guwahati aser Silchar na tsüngda (383 km), Guwahati aser Agartala na tsüngda (577 km) aser Dibrugarh aser Agartala na tsüngda (721 km) train kaka jajadaktsütsü, ta NFR Chief Public Relations Officer Pranav Jyoti Sharma-i ashi.
Item train tasentem ya mezüng ita pezü jajar külen ano maneni jajatsü mesüra mejajatsüji nüburtem item train nung senzüba asadanger lemtettsü.
Tang North-east nung aliba yimti 25 tashi nung train jajadar aser item yimti rongnung Guwahati, Silchar, Dibrugarh, Tezpur, Jorhat, Dhubri, Tinsukia, Shibsagar, New Bongaigaon, Hojai, Lumding, Maibang, New Haflong, Diphu, Badarpur, Karimganj (ajak Assam nung), Agartala aser Dharmanagar (Tripura), Itanagar (Arunachal Pradesh), Mendipathar (Meghalaya), Dimapur (Nagaland), Jiribam (Manipur) aser Bhairabi (Mizoram) densema lir.
NFR-i 2020 tashi nungbo state yimtitem ajak train ajanga sendaktepa kümdaktsütsü tebilemba nung tang nungi maparen tenzükogo.
Assam nung ‘Kaziranga Express’ ka jajadaktsütsü atema benoka lir aser ibajia mapa akümtsü atema bilemdar, ta NFR nung otongdar kati ashi.
Nowgong, Assam nungi Lok Sabha member, Minister of State for Railways Rajen Gohain-i Madhya Pradesh nung aliba Bandhavgarh aser Kanha National Parks atema  ‘Tiger Express’ jajatsü benoka lir.
Kaziranga National Park ya World Heritage Site ka lir aser iba park nung keyi, shiti, arem jang aser mesü dak alia alima nung kendok tezü ka keta aliba noklang nung shilem 70 shi lir.