North East Democratic Alliance tentettsü atema senden amen

Amit Sha with NE CM
May 24, 2016 nü Taj Vivanta Guwahati nung BJP National President Amit Shah den Nagaland Chief Minister, TR Zeliang, Assam CM, Sarbananda Sonowal , Sikkim CM, Pawan Kumar Chamling aser Arunachal Pradesh CM Kalikho Pul nungertem agiba noksa angur

Dimapur, May 25 (TYO) : NDA kübok North East Democratic Alliance (NEDA) tentettsü atema BJP National President, Amit Shah-i senden ka ayongzüka amen, ta Media Cell, Chief Minister’s Office, Kohima sangdong ka nung metetdaktsü.

Iba senden nung adenertemi NEDA tentettsü mulunga agizük aser iba dak sendakba nung pei pei state nung jembitsü telemtetba agi, ta sangdong nungsa shia lir.

Congress den teloktep maliba regional party ajak NEDA kübok anioktsü atema sentong lir aser ibaji ajanga NEDA-i North East Region indang onüktem atema temulung agüja mapa inyaktettsü, ta Media Cell sangdong nungsa metetdaktsü.

You must be logged in to post a comment Login