North East India Fashion Week Itanagar nung amungtsü

Dimapur, April 03 (TYO) : North East India Fashion Week tanabuba edition, Affluent Ray of Light (ARL)-i acha ayanga June 3 nungi 5 tashi Itanagar nung akatsü sentong lir. Iba sentong nung North East India aser ano tanga north tsütsü aliba state tem nungi designer tem parnok nisung 24-i yanglutetba osettem sayuteptsü.
Chief Operating Officer (COO) Yana Ngoba-i, iba sentong ya north east India nung teka mapa balala den olangla mapatem tali ajungkettsü nükjidong nung amunger, ta osangbenertem den jembiba mapang ashi.
Lai, iba asemnü amungba sentong nung national aser international model temi teka agi atakba mesüra mechiba süoshitem den Northeast nung tang designer tasen aturtemi design asüba sobutsütem sobur ramp nung jajatsü, ta ashi.
North East India Fashion Week amungba mapang tejangartemi alitsü asoshi designer temi yanglutetba oset aser süoshitem ayoktsü atema dokan tem lapoktsü.
Iba sentong nung shilem agitsü designer tasemtemji Nagaland nungi Ongtiong Kichu, Gloria Ovung, Suliva Swu aser Doichong Buchem; Arunachal Pradesh nungi Milli Indra Dangngo, Techi Yapar aser Nana Gona; aser Shillong nungi Arita Kashyap, Priyanka Buragohain aser Rupert W Lynrah nunger lir.