North East nung tzünglu ajanga anentsüh tali buludar

Guwahati/Agartala/Itanagar, June 21 (Agencies): Northeast, India nung tzünglu maneni aruba ajanga tesem aika nung tzümetsünger aser anentsüh aludar, aser ibaji ajanga tesüiba ghonda 24 nunga nisung asem süogo, ta osang ka ajanga metetdaktsü.
Talisa Assam kübok Darrang, Karimganj, Lakhimpur aser Sonitpur district tem nugbo tzümetsüng tensa mejungi lir.
Assam State Disaster Management Authority-i ashiba agi, tawa tzümetsüng ajanga nisung 52,260 kongshiogo, iba den külemi tzülu hectare 3,000 dak tema nung tzü metsünga lir, apu aser gari lenmanga aika raksatsüogo.