North East nungi NHAI agientsü: Gadkari

Shillong, Rongjui (September) 26 (Agencies): North East nungi National Highways Authority of India (NHAI) agientsü aser National Highways and Infrastructure Development Corporation Limited (NHIDCL)-i gari lenmang yangluba maparen ketdangsüa reprangtsü, ta Union Minister for Road Transport and Highways Nitin Gadkari-i metetdaktsü.
Shillong nung anogo ananü review meeting amenba sülen Gadkari-i osangbener den jembidang, “linük nung highways yangluba telok tongtiba NHAI, North East nungi agientsü, kechiyong Northeast nung infrastructure development atema balaka tentetba NHIDCL-ia gari lenmang maparen aika repranga arur” ta ashi.
“NHIDCL-i mapa junga inyaka arudar, anungji parnoki Northeast nung temulung agüja mapa inyaktsü. Tang nungi NHAI-i linük kübok tangalen mapa inyakba nung temulung agütsütsü” ta Gadkari-isa ashi.
NHIDCL ya Ministry of Road Transport and Highways indang company lir.