North India nung ‘Kabali’ film agi ananü nung sen crore 11.4 aaogo

New Delhi, July 24 (Agencies): Superstar Rajinikanth-i tan tesüsa shilem agia aliba “Kabali” film India tesem ajaklen nüburtemi kanga sapur aser north India nung film sayar anogo ananü nung sen crore 11.4 aatetogo.
Ranjith-i direct asüba film ‘Kabali’ agi north India market nung sayar mezüngnü sen crore 5.2 aatet aser anogo anabubabo mezüngnü aatetba sen noklang nung shilem 20 agi tali, sen crore 6.2 aateta liasü, ta ketdangsertemi sangdong ka ajanga metetdaktsü.
Tamil film ‘Kabali’ ya Hindi, Telugu aser Malaysia oshitem nunga yanglua lir. North India nung iba film ya screen 1000 nung saya liasü.
Kabali film ya alima rangben nung screen 5000 shi nung saya aser ibai Malaysia nung alir Tamil nungertem atema raraba otsü lir.