North India nung tzünglu kanga arutsü: IMD

New Delhi, Luroi (August) 24 (Agencies): India Meteorological Department (IMD)-i Hokolbarnü Uttarakhand, Bihar, Sub­Himalayan West Bengal aser Sikkim kübok tesem kar nung tzünglu kanga arutsü ta metetdaktsü.
Maneni, Himachal Pradesh, Uttar Pradesh, East Rajasthan, West Madhya Pradesh, Gangetic West Bengal, Arunachal Pradesh, Assam, Meghalaya, Nagaland, Manipur, Mizoram aser Tripura nunga tesem aika nung tzünglu tulu arutsü, ta IMD-isa ashi.
August 25 nungi India anüdoklen tsütsü tzünglu arutsü aser August 26, 2018 anogo nungi Bay of Bengal nung mopung tesashi aontsü akok, ta IMD-isa ashi.
Taruba anogo asem aser pezü tsüngda India anüolen aser tzükümtem anasa tzünglu arutsü ta parnokisa shisem.