North India nung tzünglu sashia aruba ajanga nisung 9 süogo

New Delhi, July 12 (Agencies): Deobar nü North India tesem aika nung tzünglu sashia aruba dak sentakba lendong balala nung tajemba agi nisung teku süogo, ta tanü osang ka ajanga metetdaktsü.
Tanü North India nung tzünglu sashia maneni aruba ajanga Jammu & Kashmir, Himachal Pradesh, Uttarakhand aser Uttar Pradesh state tem nung anentsüh alua ki raksatsüba lendong balala nung nisung teku süogo, iba den külemi ayong aika nung tzü lendongbang alema yimdagi.
Uttar Pradesh nung ki chirepba ajanga nisung trok asü aser Kashmir nung anentsüh aluba ajanga nisung ana asü.
Uttarakhand yimtiba, Dehradun nunga hotel ka chirepba lendong nung aayanger ka asü aser nisung asem yirua liasü.
Linük yimtiba Delhi nung tanü agi anogo pezünübuba tzünglu aruba sülen tzünglu aruba anenogo.
UP, Sitapur district nunga jara chirepba lendong balala nung nisung asem yiruogo, iba den ki chirepba lendong nungsa Badaun nung nisung ana asü aser Bareilly nunga nisung ka süogo.