Beijing, February 7 (Agencies): Deobarnü North Korea-i alima mita reprangba satellite ka anünglak nung amenba atema China-i sasa bilemtsüba lemsatepogo.
International teloki nokdangaka mangai North Korea-i kanga tekong meranga ballistic missile technology indang satellite Deobarnü amenba atema China-i kanga sasa bilemtsür, ta China foreign ministry nung otangdar Hua Chunying-i metetdaktsü.
“DPRK (North Korea) nema anüng nung parnok mapa tajung inyakdaktsütsü lemzükja lir ajisüaka tang iba temedenji United Nations Security Council-i nokdanga lir,” ta otongdari ashiba Xinhua news agency ajanga metetdaktsü.
“DPRK National Aerospace Development Administration nung scientist aser technician temi tang tasen yanglutetba alima mita reprangba satellite, Kwangmyongsong-4 kanga takok ngua küm pongu asoshi iba indang orbit nung amenogo,” ta North Korea sorkar indang osangbener KCNA ajanga metetdaktsü.
Seoul aser US nati iba satellite amenba ya tim masüba mapa ka lir ta metetdaktsüogo. Iba inyakyim ya kangasa tai aser parnoki UN Security Council-i renema ayuba anema inyakogo, ta linük anati ashi.
Iba dak sentakba nung UN Security Council-i rongdak senden ka ayonga akatsü lemtetogo.
December 2012 nung satellite ka amenba sülenbo tan ya mezüng lir. Iba ya masüdang parnoki hydrogen bomb ka tendang aser parnoki iba bomb ji linük nung mezüng yanglutetba Hydrogen bomb lir ta ashi. January 6, 2016 nü iba nuclear tendangba sülen US aser South Korea nati tasüngdangba akatsüla ta shia liasü.
Hua-i linük ajak dang kanga kümdanga aser süngjema tangatettep tajung nung teka amteper yimjung asoshi inyakdi, ta mepshia metetdaktsüogo.
You must be logged in to post a comment Login