Northeast Assembly speaker tem senden May 30 nungi tenzüktsü

Agartala, May 24 (Agencies) : North East state ti nungi speakers aser deputy speakers atema North East Region Commonwealth Parliamentary Association (NERCPA) asemnü senden ka May 30, 2016 nü nungi tenzüka Agartala nung akatsü.

“Iba senden akaba ajanga parliamentary democracy tsütsü tali tashi itshitsü aser northeast tesem nungi legislative, Lok Sabha aser Rajya Sabha tem nung presiding officers tsüngda olemtep kar kadaktsütsü,” ta Mongulbarnü Tripura assembly Speaker Ramendra Chandra Debnath-i ashi.

Pai, Lok Sabha Speaker Sumitra Mahajan-i iba senden lapoktsütsü aser sentong nung Lok Sabha Deputy Speaker aser AIADMK lenir tejen M. Thambidurai, Rajya Sabha Deputy Chairman P.J. Kurien aser Lok Sabha Secretary General Anoop Mishra nungera adentsü, ta metetdaktsü.

Iba senden nung NERCPA mendenbuba, Meghalaya assembly Speaker Abu Taher Mondal, speaker aser deputy speaker tem, parliamentary affairs minister aser state Angh nungera adentsü.

Tripura assembly Deputy Speaker Pabitra Kar-i, senden nung northeast tesemtem nung tzü agi ali pongtokba aser parliamentary democracy onüktem jembitsü, ta ashi.

“Tzü agi ali tajung pongtoka adokba ajanga nüburtem takoksa ajuruba nung koda sür sorkar teka aiba ajanga temelenshi angutsü item tetuyuba ajak mongintemi agütsütsü,” ta Kar-i shisem.

Speaker Debnath-i, state tulutem nungbo assembly senden küm nung anogo 100 nübosa aser northeast ama state tilatem nungbo küm nung anogo 60 amentsü Gandhinagar, Gujarat nung pezünü amongba, 78buba All India Presiding Officers senden nung lemteta ayu, ta ashi.

Aji oda süaka northeast state tem nung assembly senden küm nung anogo 20 nungi 25 nü ang mena arur.

“Ozü state nung anogo aika assembly senden mena business aser nüngdakba aika jembitsü madoker,” ta Debanth-i ashi.