Northeast atema Niti forum ka tenteter

New Delhi, Tsüklai 26 (Agencies): India kübok north east tesem indaktsütsü atema Centre sorkari Niti forum balaka tentetogo, ta Union minister Jitendra Singh-i ashi.
Niti forum for northeast indang secretariat office ji Ministry of Development of North Eastern Region (DoNER) nung lapoktsü, ta paisa ashi.
“Niti Aayog forum ajanga northeast kübok state 8 nung rongsenkettsüng aintsü dak sendakba onüktem bushiteptsü” ta paisa shisem.
Iba forum ajanga khurettem koktettsü atema lenmangtem bushitsü aser northeast renloktsü atema mapa inyaktsü, ta DoNER minister-isa metetdaktsü.
Iba forum ya Niti Aayog indang vice chairman aser DoNER minister nati külemi ketdangsütsü.
Forum nung tanga züngsemtemji- Ministry of Road Transport & Highways, Railways, Power, Water Resources, River Development & Ganga Rejuvenation, New & Renewable Energy, Health and Family welfare, Human Resource Development and Environment, Forest and Climate Change alitsü.
Maneni, northeast kübok state 8 nungi chief secretary ajak iba forum nung züngsem asütsü.
Niti forum for northeast nung North East Council (NEC) secretary-i member secretary, MHA joint secretary (North East) aser tanga mongin nisungtem aika züngsem asütsü.