Northeast atema sen crore 8640.08 agütsüogo

Delhi, Tsükali/February 6 (Agencies): North East nung aliba state tem terenlok asoshi scheme balala kübok project 550 atema centre-i sen crore 8640.08 agütsüogo, ta DoNER minister Dr Jitendra Singh-i Brehostibarnü ashi.
“2014-15 nungi tenzüka tang tashi nung Ministry of Development of North Eastern Region aser NEC-i, North East nung aliba state tem terenlok asoshi scheme balala kübok project 549 atema sen crore 8640.08 agütsüogo,” ta Dr Singh-i Rajya Sabha nung ashi.
Paisa, 2014-15 nungi tenzüka project 667 tembanga inyakogo aser item rongnung project 32 bo taoba mapang benokba masü saka 2014-15 nungi tang tashi nung benoka inyakbatem lir, ta ashi.
Tanungba project tem ya tang jenjang balala nung teinyakdak lir, ta pai metetdaktsü.