Northeast India nung menoknok anok

Shillong (Meghalaya), Oct 30 (Agencies): Hokolbar anepdang züngia menoknok ajanga India nung aliba north-east state tem aser Bangladesh nung tesem kar anokshitsüogo, ta Central Seismological Centre ketdangser kati ashi.
Ajisüaka nisung yiruba mesüra asüama asüba osangbo maliasü.
“Tanep 3:45 ako nung Bangladesh den arrtsüa aliba Assam, Karimganj district tiyongtsü ser Richter Scale 4.9 nung menoknok anok,” ta Central Seismological Centre nungi Seismologist kati osangbenertem dang ashi.
Bangladesh dak alia iba menoknok anokbaji Assam, Meghalaya densema north-east tesem nung metetogo.
Menoknokji second 10 nungi 12 tsüngda shi anoka liasü.
India nung north-east state tem- Assam, Meghalaya, Mizoram, Tripura, Nagaland, Arunachal Pradesh aser Manipur ya alima nung menoknok tesashi anokba belt 6buba nung lir ta Seismologist temi züngshir.