Northeast nung 12 buba South Asian Games 2016 asayatsü

Guwahati, December 18 (Agencies): India northeast kübok Guwahati o Shillong na nung 12 buba South Asian Games (OC-SAG) sangküm 2016 küm February ita 16 nü nungi tenzüka asayatsü renema lir.
Volunteers Programme densema, OC-SAG asayamong den sentakba sentongtem tenzüktsüba sentong nung Assam Chief Minister, Tarun Gogoi; India Youth Affairs & Sports Minister, Sarbananda Sonowal aser Meghalaya Sports Minister, Zenith Sangma nungeri shilem agia liasü.
“OC-SAG  asayamong ayongtsü maongka anguba ya India northeast ajunga talisa, Guwahati-i saisapongtsü shilem  nung mera tulu agir lir, ta Gogoi-i metetdaktsü.
Asayamong tayongeri OC-SAG Logo aser Mascot nata tawa sayaba osang jangjaogo.
12 buba OC-SAG asayamong nung shilem agir linük nüngtem nung tuo 8 densema OC-SAG indang logo renemba den külemi, 12 buba OC-SAG Brand Ambassador, TIKHOR asayamong Mascot asütsü shima lir.
“India kübok northeast nung alir ajungai maongka tajung tan angur lir. Iba OC-SAG asayamong ayonga asayaba ajanga asenok ajunga tali lungjemdaktsütsü imlar,” ta Sonowal-ia metetdaktsü.