Northeast nung assembly elections jakdang Left teloktem longjemer

Imphal, March 6 (Agencies): North east state kar nung assembly elections agitsü aliba jakdang Left teloktemi iba tesem nungi ochimashi aser kin o kin bendanga inyaksangshiba agientsü atema longjemtsü ayongzükogo.
“Kerala, West Bengal, Tripura state tem nung Left teloktemi lenmang sayuogo anungji tanga state temia ibaji ajizüktsüla” ta CPI Manipur unit secretary, Moirangthem Nara-i ashi.
Left Party tem mezüngbuba Coordinating Committee senden nung pai iba onük jembi.
Tripura nung Left sorkari yimten temulungtetba lira Armed Forces (Special Powers) Act, 1958 agientettsü ta inyaka sayuogo, ta Nara-isa ashi.
“Tripura nung Irom Sharmila ama takhangba agüja lungkak aiter mali. Left sorkari temelenshi tulu bener arutsü aser nübortem pelateper” ta paisa shisem.
Iba senden nung Communist Party of India (CPI), Communist Party of India-Marxist (CPI-M), Forward Block, Revolutionary Socialist Party aser CPI-Marxist-Leninist nungi teshimtet nübotem aden.
Taküm April ita Assam nung aser sangküm küm tetenzüklen Manipur nung assembly elections agitsü lia Left teloktem senden amen. Ano, Meghalaya, Mizoram, Nagaland aser Tripura state tem nunga 2018 nung assembly elections agitsü.