Northeast nung Khristan yimsü aser China ajanga telungpur khuret adokdaktsü

Guwahati, Luchii (December) 2 (Agencies): National Register of Citizens of India (NRC) atema ashishitepba ano Citizenship Amendment Bill 2016 anema noktakba mapang ka nung journalist kati Twitter nung Northeast atema ashishitep aketba onük ka jembiogo.
Ajaki meteta aliba journalist Madhu Purnima Kishwar-i Twitter nung “Congress aser Left nung nisung kari Hindu nunger tepsetba ajanga Pakistan aser Bangladesh kümtetba osang memetet ama bilemer, kechiyong nisungtem Islam yimsü dangi meyipdaktsü. North East nung Khristan yimsü dangi meyipba sülen China-i prangpong-injang agüja telungpurtem aika adoka lir” ta metetdaktsü.
Assam nung NRC yangluba ajanga Tripura, Meghalaya, Sikkim aser Northeast kübok tanga state tem nungi nisungtemi NRC yanglutsü akhanger.
Northeast nung telok aikati Citizenship amendment Bill 2016 magizüker aser iba bill agientsü takhangba agütsür.
Assam, Nagaland aser Manipur nung telungpur khuret ajanga tawa tashi tai maket nisung aika taküm laluogo. Külen, NRC sülen tensa mejungi akümba mapang ka nung journalist kati yamai jembiba ajanga tensa tamajungba akümtsü ama ajiteter.
Madhu Purnima Kishwar ya Centre for the Study of Developing Societies (CSDS) nung professor liasü aser la tang Indic Studies Project, CSDS nung Director inyaker.