Northeast nung medical college talila lapoktsü

Guwahati, September 13 (TYO): Northeast nung medical college talila lapoktsü aser iba nung Centre sorkari 90% endoktsü.
“Union Ministry of Health and Family Welfare-i tenzükba scheme ka kübok medical college tasentem lapoktsü” ta Assam health department nung ketdangser kati ashi.
“Medical college tasentem lapokba nung senotsü endokba nungi Northeast state sorkartemi 10% dang agütsütsü” ta paisa ashi.
Northeast dak alaka tanga state tem nung medical college tasentem lapokba nung Centre-i 60% dang agütsütsü, ta ketdangserisa ashi.
Tang inyaka aruba scheme tem kübok NE State shia nung medical college alitsü.
Tang Assam nung medical college 6 lir aser itemji Guwahati, Dibrugarh, Silchar, Jorhat, Tezpur aser Barpeta nung lapoka lir.
Maneni, Dhubri, Lakhimpur, Nagaon aser Diphu nung medical college tem teyangludak lir aser 2020-21 nungibo lapoktsü.