Northeast nung menoknok anaben anok

New Delhi, February 2 (Agencies) : Mongulbarnep India kübok northeast tesem nung menoknok anaben anok.
Tanep 1:18 ako meta Indo-Myanmar arrtsü anasa Richter Scale nung 3.8 asadangtetba menoknok ka anok aser menoknokji ali telunglen kilometer 111 shi ir anok, ta National Seismology Centre ajanga metetdaktsü.
Ano, tanep 5:19 ako meta Assam kübok Karbi nung 3.7 asadangtetba menoknok ka anok aser iba menoknokji ali telunglen kilometer 33 ir anok, ta NSC-isa metetdaktsü.
Ajisüaka, tatalokba anaprong nung teraksa mesüra nisung yiruyibongba osang kecha mali, ta parnokisa shisem.
India kübok northeast tesem ya active seismic zone ka lir. Taoba ita Manipur nung Richter Scale nung 6.8 asadangtetba menoknok tesashi ka anok.