Northeast nung menoknok anok

Shillong, November 15 (Agencies) : Mongulbarnü Richter scale nung 5.0 asadangba menoknok ka anokba ajanga northeast state tem anokshiogo. Ajisüaka, iba menoknok ajanga yiruyibongba mesüra teraksa bener arutsüba osang kecha mali.
Tanep 7:40 ako meta menoknokji anok aser menoknok anokba tiyongtsüji Bangladesh den arrtsüa aliba Assam kübok Karimganj district nung liasü, ta Regional Seismological Centre ajanga metetdaktsü.
North east state ti- Assam, Meghalaya, Mizoram, Tripura, Nagaland, Arunachal Pradesh aser Manipur ya alima nung menoknok kanga bulua anokba tesem trokbuba nung lir ta menoknok asadangertemi ashir.