Northeast nung Railway services Sept 1 nungi tenzüktsü

Guwahati (Assam), August 27 (Agencies): Northeast aser linük nung tanga tesemtem tsüngda Train services September 1 nungi tenzüktsü, ta ketdangsertemi tanü metetdaktsü. Northeast nung tzümetsüng aruba sülen August 1, 2017 nungi tenzüka train mesenzüteti lir.
Train lenmangtembo August 28, 2017 tashi nung yangluzüktsü imlar saka train tem khen mapang tatsüka atema mesenzüdaktsüi soita atatsü.
“Train lenmangtem fitness certificate August 28 nikongtsütsü tashi nungbo angutsü imlar. Iba sülen engine tepungba amshia train lenmangtem tendangtsü. August 29 nungibo khu abenba train tembo senzütsü imlar,” ta NF Railway otongdar, PJ Sharma-i metetdaktsü.
“Khu abenba train tem senzü tenzükba sülen tanga train senzü metenzük tsüngda lenmangtem maneni asadangtsü,” ta pai ashi. Paisa ashiba agi, Up line tem tama yanglutsü.
Tongtibang train tem timba ka August 31 tashi mesenzütsü.
12235 Dn Rajdhani train August 31 tashi mesenzütsü, 12423 Dn Rajdhani August 30 tashi mesenzütsü, 12435 Dn Rajdhani August 28 tashi mesenzütsü, Saraighat Express, East Express, Brahmaputra Mail, Kamakhya-Puri Express ajak August 31 tashi mesenzütsü Avadh Assam train August 30 tashi mesenzütsü, Kamrup Express August 31 tashi mesenzütsü aser Naharlagun-Delhi Express August 29 tashi mesenzütsü.