Northeast nung ‘Titli’ yipru süitsü

Shillong/Guwahati, Mongputeni (October) 12 (Agencies): Assam, Meghalaya aser tanga northeast state tem nung Durga Puja mapang ‘Titli’ yipru ajanga timtem agütsütsü ama lir.
Brihostibarnü Meghalaya sorkaribo district 11 nung yipru nungi jenbua alitsü atema osang metetdaktsüogo.
Meghalaya Disaster Management department-i Deputy Commissioner 11 aser civil sub-divisional officers dang kanga kümdangtsü aser pei pei tesem nung tensa reprangshimtsü atema tetuyuba agütsü.
Külen, Indian Meteorological Department (IMD)-ia Hokolbar aser Honibar tsüngda Assam nung ‘Titli’ yipru süitsü ta osang metetdaktsüogo.
Guwahati nung aliba Regional Meteorological Centre ajanga ashiba agi, yipruji West Bengal tzükümlen toktsüogo aser taruba ghonda 12 tashi tuluba akümtsü aser anüdoklentip tsütsü aoba sülen Odisha leni aotsü.
Assam nung deputy commissioner ajak dang Incidence Response Team tentettsü atema tetuyuba agütsüogo.
Skymet Weather ajanga ashiba agi Titli yipru ajanga Bangladesh aser tanga India kübok northeast state kar nung tzünglu arutsü.
Hokolbar aser Honibar anogotem Tripura o Mizoram nung tzünglu tulu arutsü saka October 14 sülen tsüngsang tajungba akümtsü.
Nagaland aser Manipur dena Assam kübok tesem kar nung tzünglu arutsü saka Arunachal Pradesh bo mamshitsü, ta Skymet Weather-isa metetdaktsü.
Tanü Andhra Pradesh kübok Visakhapatnam, Vizianagaram aser Srikakulam aser Odisha kübok Gajapati, Ganjam, Khurda, Nayagarh ase Puri district tem nung Titli yipru ajanga takoksa bentsür aruogo, ta Indian Meteorological Department (IMD)-i metetdaktsü.