Guwahati, March 12, 2025 (Agencies): March 11, 2025 nungi tenzüker taruba anogo pungu tashi Northeast India nung tzünglu arutsü, yipru aittsü aser mopung tesashi aontsü ta India Meteorological Department (IMD)-i metetdaktsüogo.
Arunachal Pradesh nung March 11 nungi March 15 tashi tzünglu terara aruba den rü alatsü. Iba mapang tesem kar nung tsüngmok atena yipru aittsü aser tsüngi aitsü ta IMD-i ashi.
Assam aser Meghalaya nunga March 11 nungi March 15 tashi tzünglu arutsü, tsüngmok atena yipru aittsü aser mopung tesashi (30-50 km/h) aontsü ta parnokisa ashi.
Nagaland, Manipur, Mizoram, aser Tripura nung March 11 nungi March 16 tashi tzünglu terara arutsü, yipru aittsü aser mopung aontsü (30-40 km/h) ta IMD-isa metetdaktsü.
Iba nung ajemdaker IMD-i Assam aser tanga Northeast state tem asoshi “yellow alert” metetdaktsüogo aser nübortem dang tsüngsang-mopung osang metetpelaa agitsü metetdaktsüogo.
Northeast nung tsüngsang majungtsü: IMD added by nungsang on
View all posts by nungsang →
You must be logged in to post a comment Login