Northeast nung tzünglu arutsü

Guwahati, November 6 (Agencies): Bay of Bengal aser north Andaman Sea anasa mopung adokba ajanga taruba ghonda 24 tsüngda Northeast state kar kübok tesem balala nung tzünglu arutsü, ta Met department-i metetdaktsüogo.
Tzüngluji Assam, Meghalaya, Nagaland, Manipur, Mizoram aser Tripura state tem nung arutsü, ta parnokisa ashi.
Bay of Bengal tiyongtsülen Cyclone Bulbul adokogo aser Gangetic West Bengal o South Bangladesh tsütsü aontsü, ta skymetweather-i metetdaktsü.
Iba ajanga Odisha aser West Bengal tzükümlen mopung tesashi aontsü aser Northeast India nung tzünglu terara arutsü, ta parnokisa ashi.